असे किती बोलायचे
शब्दात आले नाही
भावना आणि शब्दांचा
हा खेळ नवा नाही

कविता आणि कागद

हे समीकरण लावू नका

अश्या मनातल्या भावनांवर

अत्याचार करू नका

ते बरसतील शब्दातून

नाहीतर खोल हृदयातच राहतीलल बरे

काही शब्द आणि भावनांचे असते

मुक्कामाचे स्थान वेगळे

म्हणून म्हणते काही कविता

कागदावर उतरतात

आणि काही नुसत्या खोल आत

एकमेकांशी बोलतात

योगा  योगाच्या  गोष्टी देखिल,
नियातिलिखित  असतात म्हणे.
आपण त्याला स्वीकारतो नाहीतर,
काढत बसतो त्यात उणे -दुणे .

मला एक घरं हवंये

मला एक घरं  हवंये..

फक्त स्वताच्या मर्जीने राहण्यासाठी.

आणि एक कोरं  मन..

हवं असलेलं  कोरण्यासाठी.

एक प्रेमळ हृदय.. 

फक्त  मला जपण्यासाठी.

नको गैरसमजही..

फक्त माझ्या भावना जपण्यासाठी.

चुका नको काढायला..

अलगद झेलावं फुलाप्रमाणे.

रिमझिम पावसात हवं तेव्हा..

नाचून घ्यावं लहान मुलाप्रमाणे.

देवाप्रमाणे नको  कुणी.. 

देवच हवा आहे मला. 

कारण हे सगळे गुण.. 

असतात कुठे प्रत्येक जीवात ?

मग… मग मला मीच  हवी आहे बहुदा..

स्वतावर प्रेम करणारी,जपणारी,नाचणारी ,

टिवल्या-बावल्या आणि निराशाही 

पक्ष्याप्रमाणे अलगद झटकणारी..

 हो तीच..